Hoc anno Athenis aliud lexicon latino-graecum emi, quod bis antea iam feci. Qua re tam saepe, interrogas? Quia non possum nimia adiumenta habere in legendo scribendo docendo discendo et graece et latine. Primum lexicon repperi anno bis millesimo quarto apud librariam Neam Hestiam in via Solonis; adhuc non oblita sum quanta commotione animi primo inspexerim illud Λεξικὸν λατινοελληνικόν ὑπὸ Εὐστρατίου Δ. Τσακαλώτου in editione tertio anni millesimi noningentesimi vicesimi primi; cuius praefatio, anno millesimo octingentesimo undenonagesimo confecta, vestitur in illa dialecto Graeca obsoleta καθαρευούσᾳ appellata. Post annis quattuor aliud nancta sum, apud mega-librariam Ἑλευθερουδάκου, Λεξικον λατινοελληνικον συνταχὲν ὑπὸ Στεφάνου Α. Κουμανούδου anno 1854; praefatio hic lingua graeca antiqua utitur. Recentissime emptum lexicon est hoc Κουμανούδου, sed in nova editione a Georgio Tourlio atque Antonio Sakellario editum anno 2009.
skip to main |
skip to sidebar
Posts
No comments:
Post a Comment